CBHRI ta risibí supsidio di ZonMw pa hasi un investigashon riba vigilansia di dengue aktivo i salú di mamanan na estado den e islanan di Karibe ku ta forma parti di Reino Hulandes.
CBHRI ta orguyoso di anunsiá ku a risibí un supsidio di €100.000 for di ZonMw (OrganisashonHulandes pa investigashon di salú i inovashon den kuido) pa un periodo di 24 luna.
ZonMw ta un organisashon independiente na Hulanda, nase for di e kolaborashon entre ZorgOnderzoek Nederland (ZON) i e área di Siensia Médiko (MW) di Konseho Hulandes di investigashon (NWO), ku ta finansiá i stimulá investigashon den salú i kuido médiko.
Den kuadro di e programa “Fortifikashon di salú públiko i bienestar na islanan ABCSSS” , e finansiamentu akí, ta sostené un proyekto di investigashon nobo dirigí riba vigilansia di dengue aktivo i e impakto di dengue durante embaraso, ku e meta pa un mihó diagnóstiko, konosementu i prevenshon na Kòrsou i Boneiru.
Tema di e proyekto
E proyekto ta titulá “Dengue Surveillance and Response through Clade Displacement Analysis and Targeted Interventions (DENPACT),” ta enfoká riba e konsekuensia di infekshon di dengue durante embaraso posibel rísiko pa mama i yu. Ku esaki e proyekto ta hunga un ròl den e lago di konosementu importante den region Karibense. I ta duna perspektativa útil pa asistensia den kuido i determinadó di maneho.
E tim multi disiplinario di CBHRI, ta konsistí di ekspertonan lokal i internashonal, ta kombiná ku investigashon epidemiologia ku intervenshon den salú públiko. E virólogo Prof. dr. Byron Martina lo dirigí e proyekto akí. E enfoke ta den bario vulnerabel, kaminda ta eksponé na e rísiko di pika di sangura ta mas haltu. Por ehèmpel pa motibu di sistema di awa malu.
Dikon e proyekto akí ta importante
Apesar di e oumentu di e kasonan di dengue bou di influensia di kambio di klima, tin poko konosementu tokante afekto di dengue durante embaraso den e populashon Karibense. E investigashon akí ta yuda minimalisá e retraso di konosementu i ta trese mannan práktiko pa un mihó informashon, diagnóstiko trempan i prevenshon mas dirigí.
Evaluashon di ZonMw
For di 19 proposishon entregá, solamente 3 a ser selekshoná pa finansiá, DENPACT ta un di esakinan.
ZonMw a otorgá e supsidio basá riba:
- E relevansia haltu pa salú públiko di islanan
- Un tim di investigadónan eksperto ku un plan di enfoke kla i reforsá
- E balor agregá kla pa e region i ku posibilidat pa trese e resultadonan huntu amplio i disponibel
CBHRI ta komprometé salú públiko den e region
CBHRI ta aspirá pa mehorá salú públiko na Kòrsou i e islanan Karibense di Reino Hulandes via investigashon inter disiplinario i un investigashon impakto dirigí. Ku nos proyektonan ta kontribuí na solushonnan duradero pa problemanan di salú urgente den e region.
CBHRI ta sumamente agradesido na ZonMw pa e oportunidat finansiero balioso, ku ta yudafortifiká kapasidat investigá i desaroyo di konosementu den e área Karibense.
Bishitá www.cbhri.com pa mas informashon tokante nos mishon, nos proyektonan investigá i posibilidatnan di kooperashon.
Interesá den traha huntu, sostené un proyekto investigá òf duna kontribushon finansiero na nos aktividatnan?
Tuma kontakto ku:
Eurydice Martina
Mènedjer di proyekto & Direktor di Capital Management
e.martina@cbhri.com
